بتنفس حرية

فدائى

تركت بلادى و صرت عن أهلى راحلا

و الراحل عنى فى رأس العام أبى

فعزمت عن وطنى لست بتاركا

ليموت اليوم بنى بين يدى

عجبا لحياتى

!!

تضيع منها الأمانى مثلما

ضاع الماضى

أرانى كقطرة ماء فى الغيث تضيع هباء

لا تسقى أرضا بواد

و لا بئرا فى الصحراء

وودت لو حملت بدلا من رفاتكما

رفاتى

وجلست على القبور أجدد حزنا

فى الأعياد

لا يواسينى الا عذابى فى فقدكما,عزائى

ولولاه ما صرت كما يقولون عنى

فدائى

بحبك مش بالكلام

كنت فاكر لما قالوا روح و سافر
انى حرجع انسان جديد
انى حعشق غير هواكى
انى حصبح على ألف عيد
رحت وعرفت المعانى
الدقايق غير الثوانى
و بنتظر من غير ما اعانى
عرفت معنى الاحترام
وضربت للشارع مليون تعظيم سلام
ده مش لغيرك صدقينى
ده لشعب حب من غير كلام
و دى شنطة سفرفيها من خيرك
زبيب و لوز و بلح نخيلك
و نوتة فاضية يمكن أحكيلك
عن قلب ساكت من يوم فراقك
كان خايف يموت
و لا دقة ليها صوت

سكوت سكوت سكوت
حتى فى وسط العمار
آيات من الجمال
ويزيد الانبهار
يتغير اللسان
حتى الكتابة من الشمال
و قلبى يفعل و لا يكون
فيكى غريب و غريب بعيد
عجيب ده حبك ... بيكدبه الغريب
و العدو حتى الصديق
شايفك عروسة و بطرحة دانتيلا
شايفك سيندريللا
لو بس يزيحوا الغبار
لو يوم نحبك حب الاجانب للآثار
و تلبسى بدل الخيش حرير
حب مش بالكلام
كانت تفرق كتير